आयो बसंत सखीरी मिल खेलिये होरी ॥ टेक ॥
परके भूल गई गृह काजन मन में ताप रहो री
जिनजिन खेली होरी शाम संग तिन बड भाग्य भयो री
मिल खेलिये होरी ॥ १
तज सब काज आज घरके रे लाज को दूर धरो री
फागन के दिन बीत जात फिर पीछे पछतो री
मिल खेलिये होरी ॥ २
सब संगति वृंदावन जाकर शाम को खोज करो री
कर बिचार जुगति से घेरो जानन पावे बहोरी
मिल खेलिए होरी ॥ ३
पिचकारी पकडकर सुंदर ध्यान से रंग भरो री
प्रेम गुलाल मलो मुख ऊपर ब्रम्‍हानंद रस लो री
मिल खेलिये होरी ॥ ४

Aayo basant sakheeree mil kheliye horee ॥ Tek ॥
Parake bhool gayee grih kaajan man mein taap raho ree
Jinajin khelee horee shaam sang tin bad bhaagy bhayo ree
mil kheliye horee ॥ 1
Taj sab kaaj aaj gharake re laaj ko door dharo ree
Phaagan ke din beet jaat phir peechhe pachhato ree
mil kheliye horee ॥ 2
Sab sangati vrindaavan jaakar shaam ko khoj karo ree
Kar bichaar jugati se ghero jaanan paave bahoree
mil khelie horee ॥ 3
Pichakaaree pakaDakar sundar dhyaan se rang bharo ree
Prem gulaal malo mukh oopar bramhanand ras lo ree
mil kheliye horee ॥ 4