पपैया रे पिवकी बाणि न बोल।
सुणि पावेली बिरहणी रे थारी रालेली पांख मरोड़।।
1. चांच कटाऊँ पपैया रे ऊपर कालोर लूण।
पिव मेरा मैं पिव की रे तू पिव कहै स कूण।।
2. थारा सबद सुहावणा रे जो पिव मेला आज।
चांच मंढाऊँ थारी सोवनी रे तू मेरे सिरताज।।
3. प्रीतम कूं पतियां लिखूं रे कागा तूं ले जाय।
जाइ प्रीतम जासूं यूं कहै रे थांरि बिरहण धान न खाय।।
4. मीरा दासी ब्याकुली रे पिव-पिव करत बिहाय।
बेगि मिलो प्रभु अंतरजामी तुम बिनु रह्यौ न जाय।।
Papaiyaa re pivakee baani n bol
Suni paavelee birahanee re thaaree raalelee paankh marod
1. Chaanch kataaoon papaiyaa re oopar kaalor loon
Piv meraa main piv kee re tu piv kahai sa koon
2. Thaaraa sabad suhaavanaa re jo piv melaa aaj
Chaanch mandhaaoon thaaree sovanee re tu mere sirtaaj
3. Preetam koon patiyaan likhoon re kaagaa toon le jaay
jaai preetam jaasoon yoon kahai re thaanri birahan dhaan n khaay
4. Meera daasee byaakulee re piv-piv karat bihaay
Begi milo prabhu antarajaamee tum binu rahyau n jaay
