आज सखी शाम सुन्दर बंसिया बजावे ॥ टेक ॥
मोरमुकुट सिर चढ़ाय पग में नूपुर सुहाय
बंसी मुख में लगाय मधुर मधुर गावे ॥ १ ॥
जमुना को करत बार पक्षीगण मौन धार
धेनु मुख घास डार धुनि में मन लावे ॥ २ ॥
ब्रम्हा सुरराज शेष शंकर गौरी गणेश
धार धार मनुज वेष वृंदावन आवे ॥ ३ ॥
बंसीधुन सुन अपार भूले मुनि मन बिचार
ब्रम्‍हानंद गोपनार तन मन बिसरावे ॥ ४ ॥

Aaj sakhee shaam sundar bansiyaa bajaave ॥
mor mukuṭ sir chaḍhaay pag mein noopur suhaay
bansee mukh mein lagaay madhur madhur gaave ॥ 1 ॥
jamunaa ko karat baar pakṣee gaṇa maun dhaar
dhenu mukh ghaas ḍaar dhuni mein man laave ॥ 2 ॥
bramhaa sur raaj sheṣ shankar gauree gaṇash
dhaar dhaar manuj veṣ vrindaavan aave ॥ 3 ॥
banseedhun sun apaar bhoole muni man bichaar
bram‍haanand gopnaar tan man bisraave ॥ 4 ॥