होरी कुञ्ज गलिन में खेलत नंद कुमार री ॥ टेक ॥
मोरमुकुट सिर ऊपर सोहे गल फूलन के हार री
पीताम्बर कटी बीच बिराजे पग नूपुर झंकार री ॥ १
ग्वालबाल सब मिलकर खेलें खेलें ब्रज की नार री
भरभर रंग परस्पर छोडें पिचकारिन की धार री ॥ २
लाल गुलाल अबीर उडावें केसर छुटत फुवार री
भूषण बसन बदन सब भीजे चाल चलत लचकार री ॥ ३
हाथ मिलाय मिलाकर नाचें राधा कृष्णमुरार री
ब्रम्हानंद जुगलछवि सुंदर चरणकमल बलिहार री ॥ ४
Hori kunj galin mein khelat Nand Kumar ri || tek ||
mormukut sir upar sohe gal phoolan ke haar ri
Pitambar kati beech biraaje pag nupur jhankaar ri || 1
Gvalbaal sab milkar khelein khelein braj ki naar ri
Bharbhar rang paraspar chhodein pichkarin ki dhaar ri || 2
Laal gulaal abeer udaavein kesar chhutat fuvaar ri
Bhushan basan badan sab bheeje chaal chalat lachkaar ri || 3
Haath milaye milakar naachein radha krishan muraar ri
Brahmanand jugalchhavi sundar charankamal balihaar ri || 4
