नाथ दियो अब दरस तुमारे
सफल करो प्रभु नैन ह्मारे || टेक ||

तेजपुंज मय अंग मनोहर
रवि शशि कोटि लजावनहारे || 1 ||

शीश मुकुट मनि जडित बिराजे
कानन कुंडल मकराकारे || 2 ||

शंख चक्र कर कमल सुहावे
पीत वसन तन ऊपर धारे || 3 ||

ब्रम्‍हानंद चतुर्भुज सुन्‍दर
मंद हसन हरि गरुड़ सवारे || 4 ||

Nath diyo ab daras tumaare
Safal karo prabhu nain hamare.

1. Tej punjmaya ang manohar,
Ravi shashi koti lajaawanhaare.

2. Sheesh mukut mani jadit biraaje,
Kaanan kundal makaraakare.

3. Shankh chakra kar kamal suhaave,
Peet vasan tan upar dhaare.

4. Brahmanand chaturbhuj sundar,
Mand hasan hari garud sawaare.