प्रीत की रीत न जाने सख़ी वो तो
नंद को बालक सांवरिया ॥ टेक ॥
जमुनातट जाय के गाय चराय बजायके बंसरी गावत है ।
सखियां संग केलि कलोल करे दधि लूटत खेलत फागरिया ॥ १ ॥
संग लेकर ग्वालन बाल घने मग रोकत है ब्रजनारिन को ।
तनसे चुनरी पटको झटके सिर से पटके जल गागरिया ॥ २ ॥
बिंदराबन की घन कुंजन में मिल गोपिन के संग रास करे ।
पग नूपुर की धुन बाज रही नित नाचत है नट नागरिया ॥ ३ ॥
निज भक्तन के हितकर प्रभु ब्रज मंडल बीच बिहार करे ।
ब्रम्‍हानंद न रूप को जान सकें बहु बात बनावत सांवरिया ॥ ४ ॥

preet kee reet na jaane sakhee vo to
nand ko baalak saanvariyaa ॥
jamunaataṭ jaay ke gaay charaay bajaayke bansaree gaavat hai . Sakhiyaan sang keli kalol kare dadhi looṭat khelat faagariyaa ॥ 1 ॥
sang lekar gvaalan baal ghane mag rokat hai brajanaarin ko .
Tanse chunaree paṭko jhaṭke sir se paṭke jal gaagariyaa ॥ 2 ॥
bindraaban kee ghan kunjan mein mil gopin ke sang raas kare .
Pag noopur kee dhun baaj rahee nit naachat hai naṭ naagariyaa ॥ 3 ॥
nij bhaktan ke hitkar prabhu braj manḍal beech bihaar kare .
Bram‍haanand na roop ko jaan saken bahu baat banaavat saanvariyaa ॥ 4 ॥