शाम के संग खेलो होरी जन्म सफल कर लो री
सखी मिल आज चलो री ॥ टेक ॥
धर्म हेत हरि ब्रजमंडल में आकर प्रगट भयो री
धन्य धन्य यशुमति रानी के जिन घर जन्म लियो री
आप प्रभु दरस दियो री ॥ १
गल बनमाल बिराजत सुंदर शीश किरीट धरो री
कानन में मकराकृति कुंडल कमर मणि लड डोरी
चरण नूपुर झणकोरी ॥ २ ॥
जमुनातट पर बंसी बन में ग्वालन संग खडो री
मुरली अधर मधुर धुन गावे नाचत मोद भरो री
मनोहर रूप बनो री ॥ ३
सुरनर मुनिजन दर्शन करकर मन में हर्ष बडो री
ब्रम्हानंद चरण बलिहारी भक्तिदान दीजो री
सकल भवबंध हरो री ॥ ४
Shyam ke sang khelo hori janam safal kar lo ri
Sakhi mil aaj chalo ri || tek ||
Dharm het hari brajmandal mein aakar pragat bhayo ri
Dhanya dhanya yashumati rani ke jin ghar janam liyo ri
Aap prabhu daras diyo ri || 1
Gal banmaal birajat sundar sheesh kireet dharo ri
Kaanan mein makrakriti kundal kamar mani lad dori
Charan nupur jhankori || 2
Jamunatatt par bansi ban mein gvaalan sang khado ri
Murli adhar madhur dhun gaave naachat mod bharo ri
Manohar roop bano ri || 3
Surnar munijan darshan karkar mann mein harsh bado ri
Bramhanand charan balihari bhaktidaan deejo ri
Sakal bhavbandh haro ri || 4
