नर को नहिं परतीत हमारी ।
झूठा बनिज कियो झूठे सो, पूँजी सबन मिलि हारी । टेक
घट दर्शन मिलि पन्थ चलायो, तिरदेवा अधिकारी ।
राजा देश बड़ो परपंची, रैयत रहत उजारी । १

इतते उत उतते इत रहहू, यम की साँड़ सवारी ।
ज्यों कपि डोर बाँध बाजीगर, अपनी ख़ुशी परारी । २

इहै पेड़ उत्पति परलय का, विषया सबै विकारी ।
जैसे स्वान अपावन राजी, त्यों लागी संसारी । ३

कहहि कबीर यह अद्बुद ज्ञाना, को मानै बात हमारी ।
अजहूँ लेहुँ छुड़ाय काल सो, जो करै सुरति सँभारी । ४

Nar ko nahin parteet hamari
Jhootha banij kiyo jhoothe so, poonji saban mili haari | tek
Ghat darshan mili panth chalayo, tirdeva adhikaari
Raja desh bado parpanchi, rayyat rahat ujaari | 1

Ittate utt uttate itt rahahu, yam ki saand sawaari
Jyon kapi dor baandh baazigar, apni khushi paraari | 2

Eehai ped utpati parlay ka, vishaya sabai bikaari
Jaise svaan apaavan raaji, tyon laagi sansaari | 3

Kahihi kabir yeh advuddh gyana, ko maanai baat hamaari
Ajahun lehun chhudaye kaal so, jo karai surati sambhaari | 4