बड़े घर ताली लागी रे, म्हारां मन री उणारथ भागी रे॥

1. छालरिये म्हारो चित नहीं रे, डाबरिये कुण जाव।
गंगा जमना सूं काम नहीं रे, मैंतो जाय मिलूं दरियाव॥

2.हाल्यां मोल्यांसूं काम नहीं रे, सीख नहीं सिरदार।
कामदारासूं काम नहीं रे, मैं तो जाब करूं दरबार॥

3. काच कथीरसूं काम नहीं रे, लोहा चढ़े सिर भार।
सोना रूपासूं काम नहीं रे, म्हारे हीरांरो बौपार॥

4. भाग हमारो जागियो रे, भयो समंद सूं सीर।
अम्रित प्याला छांडिके, कुण पीवे कड़वो नीर॥

5. पीपाकूं प्रभु परचो दियो रे, दीन्हा खजाना पूर।
मीरा के प्रभु गिरघर नागर, धणी मिल्या छै हजूर॥

bade ghar taalee laagee re, mhaaraan man ree uṇaarath bhaagee re॥

1. Chhaalariye mhaaro chit naheen re, ḍaabariye kuṇa jaav.
Gangaa jamanaa soon kaam naheen re, mainto jaay miloon dariyaav॥

2.haalyaan molyaansoon kaam naheen re, seekh naheen sirdaar. Kaamdaaraasoon kaam naheen re, main to jaab karoon darbaar॥

3. Kaach katheerasoon kaam naheen re, lohaa chaḍhe sir bhaar. Sonaa roopaasoon kaam naheen re, mhaare heeraanro baupaar॥

4. Bhaag hamaaro jaagiyo re, bhayo samand soon seer.
Amrit pyaalaa chhaanḍike, kuṇa peeve kadvo neer॥

5. Peepaakoon prabhu paracho diyo re, deenhaa khajaanaa poor. Meeraa ke prabhu giraghar naagar, dhaṇee milyaa chhai hajoor॥